Konferensiya akademik Toshmuhamed Alievich Sarimsoqov tavalludining 110 yilligiga bag‘ishlandi.
Tadbir Mirzo Ulug‘bek nomidagi O‘zbekiston Milliy universiteti (O‘zMU), Romanovskiy nomidagi Matematika instituti, O‘zbekiston matematika jamiyati, “Akademik Qariy-Niyozov merosi” ilmiy-metodik markazi, Aniq va ijtimoiy fanlar universiteti hamkorligida tashkil etildi. Konferensiyaning ochilishi NU Uz katta zalida bo‘lib o‘tdi.

Uchrashuvni NUUz rektori Majidov I.U., O‘zbekiston Fanlar akademiyasi prezidenti Ayupov Sh.A., O’FA akademiklari Alimov Sh.A., A’zamov A.A., Xadjiyev D.X. va professor G‘anixo‘jaev R.N. tabrik so‘zi bilan chiqishdi.
Ilmiy konferensiya davomida zamonaviy matematikaning dolzarb yo‘nalishlari, nazariy va amaliy masalalari hamda ularni turli sohalarda qo‘llash masalalari muhokama qilindi.
Mirzo Ulug‘bek nomidagi O‘zbekiston Milliy universiteti va Romanovskiy nomidagi Matematika instituti binolarida yalpi majlis va seksiya ma’ruzalari bo‘lib o‘tdi.

“Algebra va tahlil” bo‘limida jami 7 ta yalpi majlis va 60 ta seksiyaviy ma’ruza, “Differensial tenglamalar” bo‘limida 42 ta, “Geometriya va topologiya va ehtimollar nazariyasi” mavzulari bo‘yicha 8 ta, “Amaliy matematikaning dolzarb masalalari” bo‘limida 32 ta ma’ruza tinglandi.

Anjumanda AQSh, Xitoy, Kanada, Rossiya, Avstraliya va Malayziyadan vakillar ishtirok etishdi.
“Zamonaviy matematikaning dolzarb muammolari va uni qo‘llash” konferensiyasi qatnashchilari ishtirokchilarning yuqori saviyasi, a’lo darajada tashkil etilganligi va tadbirning do‘stona muhitda o‘tganini ta’kidladilar.