2024 yil mobaynida Markaz matematika sohasida izlanayotgan o’quvchi yoshlarning, talabalarning, yosh olimlar va mutaxassislarning
ijodiy faolligini qo’llab-quvvatlashga qaratilgan faoliyatini davom ettirdi.
Markaz matematik tadqiqotlarni oʻtkazish, oliy maktab, litsey va kollejlarda
matematikani oʻqitish usullarini takomillashtirishda matematik olimlarni
qoʻllab-quvvatladi. Markaz avvalgidek eng isteʼdodli 10 ta talabaga stipendiya toʻlab, matematik fanidan tanlovlar va olimpiadalar tashkil
etdi.
Shuningdek, «Akademik
Qori-Niyozov merosi» markazi vakillari maktab oʻquvchilari, talabalar va
jamoatchilik bilan uchrashuvlarni davom ettirib, Oʻzbekiston Fanlar
akademiyasining birinchi akademigi Toshmuhamed Niyozovich Qora-Niyozov
qoldirgan ilm-fan, madaniyat va taʼlim sohasidagi buyuk meros haqidagi bilimlari bilan ulashishdi.
2024 yil 23-fevral kuni Oʻzbekiston miqiyosida oʻtkazilayotgan «Matematika
haftaligi» doirasida Toshkent Davlat
transport universiteti huzuridagi akademik litseyida «Akademik Qori-Niyozov
merosi» markazi direktori Akrom Alimov litsey oʻquvchilari bilan uchrashdi. U litsey oʻquvchi talabalarni va matematika oʻqituvchilarini iqtidorli talaba yoshlar uchun moʻljallangan Markazning motivatsion dasturlari bilan tanishtirdi. Uchrashuvda transport universiteti
oʻqituvchisi, professor Oʻrtiqboyev Abdulaziz Ortiqboyevich ham soʻzga chiqdi. U yoshlarga akademikning harakatchan
faoliyati, matematikaning asosiy aniq fan sifatidagi ahamiyati haqida soʻzlab
berdi.
2024-yilning 13-mart kuni Toshkent shahardagi 5-sonli maktabda
“Akademik Qori-Niyoziy merosi” markazi direktori Akrom Alimov hamda markazning jamoatchilik
bilan aloqalar bo’yicha direktor o’rinbosari Sardor Isxoqovning matematika
fanini chuqurlashtirgan 9-11 sinf oʻquvchilari bilan uchrashuvi boʻlib oʻtdi.
Akrom Akbarovichning
kirish so’zidan so’ng maktab o’quvchilari «Asrga teng taqdir» hujjatli filmini
tomosha qilishdi (rejissyor J.Isxakov, 2017) Bu film akademikning hayoti, ilmiy
va ma’rifiy faoliyati haqida hikoya qiladi.
15 mart kuni Toshkent davlat transport institutining «Dasturiy injiniring» fakulteti
birinchi kurs talabalari akademik T.N.Qari-Niyozovning uy-muzeyida boʻlishdi.
Uy-muzeyning metodisti
Farangiz Xusainova tashrif buyuruvchilarga Oʻzbekiston Fanlar akademiyasining
birinchi prezidenti T.N.Qori-Niyozovning hayoti, xorijdagi ilmiy faoliyati
haqida soʻzlab berdi. Shuningdek, akademikning uy-muzeyi bo’yicha ekskursiya o’tkazdi.
«Akademik Qori-Niyozov
merosi» markazi direktori A.A. Alimov talabalarga akademikning ilm-fandagi
yutuqlari, Oʻzbekiston maʼrifatini rivojlantirishga qoʻshgan hissasi haqida
soʻzlab berdi.
17 aprel kuni «Akademik Qori-Niyozov merosi» ilmiy-metodik markazi va V.I.
Romanovskiy nomidagi matematika instituti bilan hamkorlikda matematika fanidan magistrantura talabalari oʻrtasida anʼanaviy «Eng yaxshi ilmiy maʼruza»
tanlovi boshlanganini eʼlon qildi.
28 aprel kuni Toshkent shahridagi 64-maktabda Markaz direktorining jamoatchilik
bilan aloqalar boʻyicha oʻrinbosari Isxoqov Sardor 10-11-sinf oʻquvchilari
bilan uchrashdi. «Asrga teng taqdir» hujjatli filmini o’quvchilarga havola etgach, S. Ishoqov oʻquvchilarni akademikning uy-muzeyi va “Akademik Qori-Niyoziy merosi” markazi faoliyati bilan tanishtirdi, Markaz tomonidan
amalga oshirilayotgan asosiy tadbirlar haqida soʻzlab berdi.
25-26 may kunlari Zoom platformasida «Eng yaxshi
ilmiy maʼruza» tanlovining eng yaxshi natijalari tinglandi. 10 000 000 so’mlik
umumiy mukofot jamg’armasi eng yaxshi uch ma’ruzachi o’rtasida taqsimlandi.
27 may kuni «Eng yaxshi ilmiy maʼruza» tanlovi yakunlari eʼlon qilindi
Saydaliyev Azamat (Oʻzbekiston Milliy universiteti) 1-oʻrinni egalladi
2-oʻrinni Kurokbayev Shoxzod (Ku Leven, Belgiya) va Sulaymonov Ilyosxoʻja (Oʻzbekiston Milliy universiteti) egalladi.
Uzoqboyeva Dilfuza (Qoraqalpogʻiston davlat universiteti) 3-oʻrinni egalladi.
2-sentabr Toshmuhammad Niyozovich Qori-Niyoziy tavallud topgan kuni,Toshkent
shahridagi Human House art-galereyasida “Asrga teng taqdir” nomli hujjatli film
namoyish etildi. Film akademik Qora-Niyoziyning hayoti va faoliyati haqida
hikoya qiladi.
Tabrik nutqida «Akademik Qori-Niyoziy merosi» markazi
Jamoatchilik bo’yicha direktor oʻrinbosari Sardor Isxoqov va publitsist Mastura Isxoqova soʻzga chiqishdi. Ular Markaz faoliyati, uy-muzey faoliyati va film
yaratilishi tarixi haqida soʻzlab berdi.
14-oktabr kuni «Akademik Qori- Niyoziy merosi» ilmiy-metodik markazi, V.I.
Romanovskiy nomidagi Matematika instituti hamda Aniq va ijtimoiy fanlar
universiteti bilan hamkorlikda Oʻzbekiston Respublikasi umumtaʼlim maktablari
va akademik litseylari oʻqituvchilari oʻrtasida matematika fanidan har yili o’tkaziladigan
«Qora Niyoziy izdoshlari» olimpiadasi eʼlon qilindi. Mukofot jamg’armasi 20 000
000 so’mni tashkil etdi.
27-oktabr kuni Oʻzbekiston umumtaʼlim maktablari va litseylarining matematika
oʻqituvchilari uchun anʼanaviy «Qora Niyozov izdoshlari» respublika
olimpiadasining yakuniy bosqichi boʻlib oʻtdi.
1 oʻrinni Jumayev Zafar – Navoiy viloyati, Xatirchi tumanidagi
Ixtisoslashtirilgan maktab hamda Toshkent Shahar IIV Ixtisoslashtirilgan
maktab-internati o’qituvchisi Norboyev Jahongir egalladi.
2 oʻrinni Joʻrayev Ahmad – Navoiy viloyati, Konimex tuman ixtisoslashtirilgan
maktabi o’qituvchisi egalladi.
3-oʻrinni Samarqand viloyati, Norpay tumani, 16-umumiy oʻrta taʼlim maktabi
o’qituvchisi Qurbonov Sardor va Buxoro shahridagi Avezov Behruz
35-ixtisoslashtirilgan davlat umumtaʼlim maktabio’qituvchisi egalladi.
Noyabr oyida «Akademik Qori-Niyoziy merosi» ilmiy-metodik markazi,
Romanovskiy nomidagi matematika instituti hamda Aniq va ijtimoiy fanlar
universiteti bilan hamkorlikda Oʻzbekiston Respublikasi oliy oʻquv yurtlarida
tahsil olayotgan talabalar uchun akademik Qora-Niyoziy nomidagi anʼanaviy
olimpiadaning yakuniy bosqichini oʻtkazdi.
Olimpiadaning 1-bosqichida mamlakatimizdagi turli oliy
oʻquv yurtlaridan 614 ta talaba ishtirok etdi. Birinchi bosqich yakunida 176
talaba 2-bosqichga yoʻllanma oldi.
2024 yil 24 noyabrda bo’lib o’tgan yakuniy, uchinchi bosqichda 72 ta
talaba ishtirok etdi.
Musobaqaning sovrin jamg’armasi 20 000 000 so’mni
tashkil etdi.
25 noyabr kuni talabalar o’rtasida o’tkazilgan an’anaviy Olimpiada natijalari
e’lon qilindi.
Quyidagi 5 ta talaba gʻolib boʻldi:
1-o’rin: Nabixonov Nabixon – O’zbekiston Milliy universiteti;
2-o’rin: Vafoyev Furqat – O’zbekiston Milliy Universiteti
2-oʻrin: Turdibayev Shukurullo – Oʻzbekiston Milliy Universiteti;
3-o’rin: Maqsatov Sunqat Muhit O’li – Qoraqalpog’iston Davlat Universiteti;
3-oʻrin: Sadulloyev Anvarbek – Oʻzbekiston Milliy Universiteti.
27 dekabr kuni Oʻzbekiston Milliy universitetida akademik
Qora-Niyoziy nomidagi stipendiyani tantanali topshirish marosimi boʻlib oʻtdi.
Akademik Oʻtkur Roziqov stipendiat talabalariga
sertifikatlar topshirdi. Markaz direktori oʻrinbosari Otabek stipendiatlarni
tabriklab, talabalarga muzey va Markaz faoliyati haqida soʻzlab berdi.
Yilni yakunlovchi bayrami oldidan «Akademik
Qori-Niyozov merosi» markazi jamoasi sizlarni yaqinlashib kelayotgan 2025 yil
bilan tabriklaydi!
Barchangizga baxt-saodat, farovonlik, oilaviy totuvlik
hamda barcha istaklaringizni roʻyobga chiqishini tilaymiz!