2022- yil 12-may kuni Toshkent davlat transport universiteti akademik litseyi bitiruvchilari bilan“T.N Qori-Niyoziy merosi” Ilmiy-metodik markazi vakillari o’rtasida uchrashuv bo’lib o’tdi.

Ushbu tadbir akademik T.N.Qori-Niyoziyning hayoti va xotirasiga bag’ishlandi.

“T.N Qori-Niyoziy merosi” Ilmiy-metodik markazi direktori A.Alimov akademik litsey o’quvchilariga O’zbekistondagi birinchi o’zbek akademiki va professor T.N.Qori-Niyoziyning hayoti va ilmiy-pedagogik faoliyati haqida so’zlab berdi. Shuningdek, tadbirda akademik litsey direktori o’rinbosari D.Primov, matematika o’qituvchisi R.Po’latova va Nizomiy nomidagi Toshkent davlat pedagogika universiteti tadqiqotchi-stajor Sh.Yusupovlar ishtrok etishdi.

So’zga chiqqanlar akademikning O’zbekiston ilmiy-madaniy rivojiga qo’shgan behisob hissasi alohida ta’kidlab o’tildi.Markaz vakillari o’quvchilarni “T.N Qori-Niyoziy merosi” Ilmiy-metodik markazi faoliyati bilan ham tanishtirib o’tdilar.

Tadbir yakunida mezbon bo’lmish akademik litsey ma’muriyati mehmonlarga kelganliklari hamda qiziqarli va mazmunli suhbat uchun o’z minnatdorchiliklarini isxor etishdi.