2025 yil 2 noyabr kuni O‘zbekiston Respublikasi hududida faoliyat yuritayotgan umumta’lim maktablari va litseylarining matematika fani o‘qituvchilari o‘rtasida an’anaviy tarzda o‘tkaziladigan “Akademik Qori Niyoziy nomidagi olimpiada”ning (https://t.me/AIFU2022/2339) final bosqichi bo‘lib o‘tdi.
Tanlovning tashkilotchilari an’anaga ko‘ra — “Akademik Qori Niyoziy merosi” ilmiy-metodik markazi, Matematika instituti hamda Aniq va ijtimoiy fanlar universiteti (http://t.me/AIFU2022) bo‘ldi.
Birinchi bosqichda 56 va undan ortiq ball to‘plagan pedagoglar ishtirok etdilar. Ikkinchi bosqichda jami 235 kishi qatnashdi. Final bosqichiga 45 nafar pedagog yo‘l oldi.
Tanlov natijalariga ko‘ra g‘oliblar quyidagilar bo‘ldi:
1-o‘rin: Ahadov Abdushukur — Sirdaryo viloyati, Muhammad al-Xorazmiy nomidagi ixtisoslashtirilgan maktabning Guliston filiali (4 mln so‘m)
2-o‘rinni bo‘lishdi: Jumaev Zafar — Navoiy viloyati, 1-sonli ixtisoslashtirilgan internat maktabi (Navoiy shahri) hamda Norboev Jahongir — Toshkent shahri, O‘zbekiston Respublikasi IIV ixtisoslashtirilgan internat maktabi (3,5 mln so‘m)
3-o‘rinni egalladilar: Toshpulotov Elbek — Toshkent viloyati, Angren shahri ixtisoslashtirilgan maktabi; Sabirov Dilmurod — Toshkent shahri, xalqaro KHISO maktabi; Orifjonov Ozodbek — Sirdaryo viloyati, “Gulistan Alpha Academy NTM” xususiy maktabi (3 mln so‘m).
“Akademik Qori Niyoziy merosi” markazi barcha g‘oliblarni tabriklaydi va hurmatli o‘qituvchilarga kelgusidagi faoliyatlarida katta zafarlar tilaydi!