“Akademik Qori-Niyoziy merosi”ilmiy- metodik markazining asosiy vazifalaridan biri O‘zbekistonda yosh olimlarni qo‘llab quvvatlash va rag‘batlantirishdan iborat. Markaz doktorantlar va tayanch doktorantlar uchun ularning avtoreferatlarini chop etishda yordam beradi.

Doktorlik dissertatsiyalarini muddatidan oldin yoki o‘z vaqtida himoya qilgan doktorant(tayanch doktorant)larning avtoreferatlarini “Akademik Qori-Niyoziy merosi” ilmiy-metodik markazi

 homiyligida nashr etish tartibi

1. Muddatidan oldin yoki o‘z vaqtida himoya qilayotgan doktorant(tayanch doktorant)ning dissertatsiyasi Ixtisoslashgan Ilmiy kengashga himoya uchun qabul qilingandan so‘ng, uning Ilmiy rahbari yoki ilmiy konsulьtanti “Akademik Qori-Niyoziy merosi” ilmiy-metodik markazi Kuzatuv Kengashi raisi akademik Sh.A.Ayupovga dissertantning avtoreferatini “Akademik Qori-Niyoziy merosi” ilmiy-metodik markazi homiyligida nashr etishga amaliy yordam berishini so‘rab ariza bilan murojaat qiladi;
2. Sh.A.Ayupov arizani o‘rganib chiqib, ijobiy xulosa berilgan taqdirda Kuzatuv Kengashiga kiritadi;
3. Dissertantning avtoreferatini “Akademik Qori-Niyoziy merosi” ilmiy-metodik markazi homiyligida necha nusxada nashr etish yoki nashr etmaslik bo‘yicha Kuzatuv Kengashi qaror qabul qiladi;
4. Kuzatuv Kengashi qaroridan so‘ng “Akademik Qori-Niyoziy merosi” ilmiy-metodik markazi direktori dissertantning himoya qiladigan kunidan 10 kun oldin dissertantning avtoreferatini o‘rnatilgan taritibda chop ettirish choralarini ko‘radi.
5. “Akademik Qori-Niyoziy merosi” ilmiy-metodik markazi homiyligida chop etilgan avtoreferatdan 2 nusxasini markaz kutubxonasi uchun olib qoladi.